کەنەدا؛ دۆسێى 6 زیندانی سیاسى کورد دەگەیەنرێتە ئەمنستى

May 25, 2017

لەکۆبونەوەى دەستەى بەڕێوەبەرى لقى تراى سیتى رێکخراوى لێبوردنى نێودەوڵەتى لەکەنەدا، دۆسێى 6 هاوڵاتى کوردى رۆژهەڵاتى کوردستان تاوتوێکرا. لەکۆبونەوەکەدا کە "راى مەکانن" ئەندامى پەرلەمانى کەنەدا ئامادەیبوو باس لەدۆخى 6 زیندانى سیاسى کورد کرا لەئێران، کەیەکێکیان سزاى لەسێدارەدانى بەسەردا سەپێنراوە.

محەمەد خادمیانى لەلقى تراى سیتى رێکخراوى ئەمینستى لەکەنەدا دەڵێت لەکۆبونەوەکەیانداباس لەناوەڕۆکى نامەی مستەفا شەڵماشى ئەندامى دەفتەرى سیاسى حزبى دیموکراتى کوردستان کراوە کەتێیدا بارودۆخى 6 زیندانى سیاسى کوردى کردوە لەئێران بەناوەکانى (کەمال ئەحمەد زادە، هەڵمەت عەبدوڵاهى، سولەیمان کوردى، میلاد عەبدى، سەعید سیاهى، مستەفا کەیوان).
دواى وەرگرتنى نامەکە پەرلەمانتارەکەى کەنەدا ئیدانەى پێشێلکارى مافەکانى مرۆڤى کردلەئێران بەگشتى ومافى گەلىکورد بەتایبەتى وبەڵێنیدا ناوەرۆکى ئەونامەیەبگەیەنێتە پەرلەمان ولایەنى پەیوەندیدار.
لەنامەکەى شەڵماشیدا هاتوە" کەمال ئەحمەد زادە سزاى لەسێدارەدانى بۆدەرچوەو 5 بەندکراوە سیاسییەکەى تر تێکڕا بە 75 ساڵ زیندانى سزادراون .


ئەم بابەتە 187 جار بینراوە.