بەرێوەبەرى ناحیەى جەلەولا بۆ KURDtv دەدوێت و مەترسییەک ئاشکرادەکات

Jul 19, 2017

یەعقوب لهێبى بەرێوەبەرى ناحیەى جەلەولا بە KURDtvى راگەیاند هەندێ پەرلەمانتارو سیاسى عەرەب لەرێگەى حکومەتى بەغدادەوە لەهەوڵى ئەوەدان 120 پۆلیس لەو کەسانەى پێشتر هاوکارى داعشیان کردوە بەسەر ناحیەکەدا بسەپێنن .

بەرێوەبەرى ناحیەى جەلەولا ئەوەى ئاشکرا کرد ئەو 120 کەسە لەعەشیرەتى کەرویین و داواى لەسەرکردایەتى سیاسى هەرێمى کوردستانى عێراق کرد کەرێگرى لەوهەوڵە بکەن، چونکە ئەگەر ئەو هەوڵەیان بۆ بچێتەسەر ئەوە دۆخى سەقامگیرى جەلەولا تێکدەچێتەوە.

رۆژنامەنوس دڵشاد ئەنوەر بەڵگەکانى فشارەکەى حکومەتى بەغدادى بۆ سەر ئیدارەى ناحیەى جەلەولا بڵاوکردەوەو نوسیوێتى ئەو 120 پۆلیسە بەشێکن لەو چەکدارانەى کەساڵى 2014 بەچەک وتەقەمەنى خۆیانەوە دایانەپاڵ داعش و بۆ ماوەى چەند مانگێک شەڕى پێشمەرگەیان کرد.هەروەک هۆشداریش دەدات ئەگەر ئەو هەوڵ’ بچێتەسەر ئەوا بەگیانى تۆڵەسەندنەوەو رقەوە دێنەوە چونکە لەهەڵمەتى ئازادکردنى جەلەولادا ماڵ و خانوى سەرجەم ئەوانەى لەگەڵ داعش بون و هاوکارى داعشیان دەکرد روخێنران.
ئەو رۆژنامەنوسە ئەوەشى ئاشکراکردوە عەشیرەتى کەرویی هەموو هەوڵێکیان خستۆتەگەڕ هەرچۆنێک بێ دەستیان بگاتەوە ناحیەى جەلەولا.
هاوپێچ وێنەى بەڵگەنامەکان


ئەم بابەتە 163 جار بینراوە.