هەموو پەیوەندییەکی ئاسمانی و دەریایی و بازرگانی لەگەڵ ئیسرائیل دەپچڕێنین

هەموو پەیوەندییەکی ئاسمانی و دەریایی و بازرگانی لەگەڵ ئیسرائیل دەپچڕێنین

وەزیری دەرەوەی تورکیا هەڵوێستی نوێی وڵاتەکەی بەرامبەر ئیسرائیل ئاشکراکرد و  رایدەگەیەنێت ”هەموو پەیوەندییەکی ئاسمانی و دەریایی و بازرگانی لەگەڵ ئیسرائیل دەپچڕێنین

هاکان فیدان، هۆکاری ئەو بڕیارەی گەڕاندەوە بۆ "بەردەوامیی کۆمەڵکوژیی بەکۆمەڵ لەلایەنئیسرائیلەوە لە دژی فەلەستینییەکان لە کەرتی غەززە، هەروەها سیاسەتە شەڕانگێزەکانی لە کەرتی غەززەکە درێژبووەتەوە بۆ قودس و کەناری ڕۆژئاوای فەلەستین، سووریا، ئێران و لوبنانی گرتووەتەوە

فیدان وتیشی, هەوڵەکانی ئیسرائیل بەردەوامە بۆ نوقوم کردنی هەموو وڵاتانی ناوچەکە بۆ ناوئاژاوەگێڕی، عەقڵیەتی ئیسرائیل دان بە یاسا نێودەوڵەتییەکاندا نانێت و سەرپێچی دەکات.

ئەمەش لە کاتێکدایە کە ئیسرائیل لە 7ی تشرینی یەکەمی 2023ەوە بەردەوامە لە هێرشەکانی بۆ سەرغەززە و بەهۆیەوە 62 هەزار و 966 فەلەستینی کوژراون و 159 هەزار و 266ی دیکەش برینداربوون کەزۆربەیان منداڵ و ژنن. هاوکات زیاتر لە نۆ هەزار کەسیش بێسەروشوێنن و سەدان هەزار کەسیش ئاوارەبوون و برسێتی بڵاوبووەتەوە  کە بووەتە هۆی گیانلەدەستدانی 317 کەس کە لەوانە 121یان منداڵن.                                                                                         

ئاماژەی بەوەشدا، پلانەکانی ئیسرائیل بۆ داگیرکردنی هەموو غەززە بەردەوامە، هەروەها هەوڵیلەناوبردنی چارەسەری دوو دەوڵەتی دەدات بە پشتیوانیی بێسنووری ئەمریکا و ئامانجی ئیسرائیل ڕوونەکە نایەوێت غەززە چیدی شوێنی ژیان کردن بێت بۆ ئەوەی خەڵک ناچار بکات بچنە دەرەوە.

ئەوەشی خستەروو، ڕەتکردنەوەی ئیسرائیل بۆ چوونە ژوورەوەی هاوکارییە مرۆییەکان بۆ ناو غەززە،بووەتە هۆی گیانلەدەستدانی هەزاران فەلەستینی وەک بەشێک لە سیاسەتی برسیکردن