نزیکەی ٦٠ موڵکی ناو پڕۆژەی گەشتیاریی چاڤی لاند لە شاری سلێمانی لە ڕێگەی زیادکردنێکی ئاشکرا فرۆشران
موڵکەکانی چاڤی فرۆشران
نزیکەی ٦٠ موڵکی ناو پڕۆژەی گەشتیاریی چاڤی لاند لە شاری سلێمانی لە ڕێگەی زیادکردنێکی ئاشکرا فرۆشران
ئەمڕۆ یەکشەممە، لەلایەن فەرمانگەی جێبەجێکردنی سلێمانی و بە سەرپەرشتیی وەزارەتی دارایی و ئابووریی حکوومەتی هەرێمی کوردستان، نزیکەی ٦٠ موڵکی ناو پڕۆژەی گەشتیاریی چاڤی لاند لە شاری سلێمانی، لە ڕێگەی زیادکردنێکی ئاشکرا، فرۆشران.
شاسوار عەبدولواحید سەرۆکی جووڵانەوەی نەوەی نوێ خاوەنی هەردوو کۆمپانیای نالیا و چاڤی، لە سەرەتای دامەزراندنی کۆمپانیاکانی قەرزێکی زۆری بەناوی وەبەرهێنان لە حکومەتی هەرێمی کوردستان وەرگرتبوو
بڕی قەرزەکانی گەیشتووەتە نزیکەی ٩١ ملیار دینار، لە ڕابردوودا وەزارەتی دارایی و ئابووری چەندین جار لە ڕێگەی (بانکی سلێمانی یەک) ئاگاداری کۆمپانیای نالیا و چاڤی کراوەتەوە، بۆ گەڕانەوەی قەرزەکان، بەڵام وەڵامیان نەبووە. لە بەرامبەر ئەو قەرزانە سەرجەم موڵکەکانی کۆمپانیای چاڤی لە زیادکردنی ئاشکرا دەفرۆشرێن.
ئامانج لە فرۆشتنی ئەم موڵکانە، وەرگرتنەوەی ئەو قەرزانەیە کە لەسەر کۆمپانیاکە کەڵەکە بوون و بە نزیکەی ٩١ ملیار دینار مەزەندە دەکران. بەشێک لەم قەرزە لە بنەڕەتدا وەک پێشینەی وەبەرهێنان لە حکوومەت وەرگیراوە، بەڵام بەهۆی نەدانی قەرزی خزمەتگوزارییەکانی وەک کارەبا، ئاو و باج، بڕەکەی زیاد بووە.
10468 جار خوێندراوهتهوه
