ئیدارەی خۆسەر چوار ئەنجامی كۆبونەوەکەی ئاشکرا دەكات کە لە گەڵ شاندی هێزەکانی سوریای دیموکرات و حکومەتی سوریا لە دیمەشق ئەنجامیاندا 

ئیدارەی خۆسەر چوار ئەنجامی كۆبونەوەکەی ئاشکرا دەكات کە لە گەڵ شاندی هێزەکانی سوریای دیموکرات و حکومەتی سوریا لە دیمەشق ئەنجامیاندا 

شاندی دانوستانکار راشیگەیاندووە ئەم خاڵانە لە کاتی کۆبونەوەکەدا بە شێوەی زارەکی خراونەتەڕوو و هیچ رێککەوتنێکی فەرمی واژۆ نەکراوە.                                                                    

لە کۆبونەوانەكاندا باسیان لە پرسە سیاسی و ئەمنی و مرۆییەکان کراوە کە ئامانجیان سەقامگیری و بونیادنانی ئاشتی بووە 
لە وڵات

سەكۆی پەیوەندییەکانی باکورو رۆژهەڵاتی سوریا لە سەكۆی ئێكس رایگەیاندووە گفتوگۆکان لەسەر چوار پرسی سەرەکی چڕبوونەتەوە کە بریتین لە هەموارکردنەوەی دەستور یەکخستنی هێزە سەربازییەکان ئاگربەست و گەڕانەوەی ئاوارەکان

شاندەكەی هەسەدە ئاماژەی بەوەداوە گفتوگۆكان لەبارەی هەموارکردنەوەی دەستوری سوریا زۆر گرنگ بوون و جەختی لەوە کردەوەتەوە، هەر دەستورێکی نوێ دەبێت نوێنەرایەتی هەموو پێکهاتەکانی سوریا بکات و بەبێ جیاوازی مافەکانیان بپارێزێت

لە کۆبونەوەکەدا باس لە پرەنسیپی یەکخستنی هێزەکانی سوریای دیموکرات و هێزەکانی ئاسایشی ناوخۆ کراوە لە ناو چوارچێوەیەکی نیشتمانیی یەکگرتوودا، لە هەنگاوێکدا کە بە بەرەو پێکهێنانی سوپایەکی رێکخراو و کاریگەر وەسفکراوە  کە خزمەت بە پاراستنی هەموو سوورییەکان بکات.