ئەمریکا بەشێکی ئیخوان موسلیمینی خستە نێو لیستی تیرۆرەوە

Ahura

ترەمپ سەرۆکی ئەمریکا فەرمانێکی جێبەجێکاری واژۆ کرد و بەشێکی ئیخوان موسلیمینی خستە نێو لیستی تیرۆرەوە
لە هەریەک لە وڵاتەکانی میسر ئوردن لوبنان

ڕۆژی دووشەممە دۆناڵد ترەمپ فەرمانێکی جێبەجێکاری واژۆ کرد بۆ گرتنەبەری ڕێکارەکان بۆ ناساندنی هەندێک لقی ئیخوان موسلیمین وەک ڕێکخراوی تیرۆریستی بیانی

لە مانگی نیسانی ئەمساڵ ئوردن هەموو چالاکیەکانی ئیخوان موسلیمینی لە وڵاتەکەی قەدەغەکرد و بارەگاکانیانی داخست و دەستی بەسەر سەروەت و سامانەکانیاندا گرت

لە فەرمانە جێبەجێکارییەکەی ترەمپ دا هاتووە ئەو پرۆسەیەی دەستپێدەکەن بریتییە لەوەی هەندێک لە لقەکانی ئیخوان موسلیمین بە ڕێکخراوی تیرۆریستی بیانی دادەنرێن، بەتایبەتی ئەو لقانەی لە لوبنان میسر و ئوردن هەن

لە فەرمانەکەدا باس لەوەشکراوە، هەندێک لە لقەکان ئاسانکاریی و توندوتیژیی بۆ تێکدانی سەقامگیریی دەکەن کە زیان بە ناوچەکە و بە هاووڵاتیان و بەرژەوەوندییەکانی ئەمەریکا دەگەیەنێت

هاوکات باڵیۆزی ئیسرائیل لە نەتەوە یەکگرتووەکان دانی دانۆن ستایشی ئەم هەنگاوەی کرد لە پلاتفۆڕمی ئێکس نووسیویەتی ئەمە بڕیارێکی گرنگە نەک تەنیا بۆ ئیسرائیل بەڵکو بۆ وڵاتانی عەرەبی دراوسێش کە دەیان ساڵە بەدەست ئیخوانی موسلیمین دەناڵێنن

میسر ئەو کۆمەڵەیەی بە ڕێکخراوێکی تیرۆریستی ناساند هەروەها لە ساڵی 2013ەوە لە گۆڕەپانی سیاسی دووری خستووەتەوە دوای ئەوەی کودەتا بەسەر محەممەد مورسی سەرۆکی پێشووی میسردا کرا و عەبدولفەتاح سیسی هاتە جێگەی.

ئەم گروپە لە چەندین وڵات قەدەغەکراوە لەوانە سعوودیە و بەم دواییانەش ئوردن.

9375 جار خوێندراوه‌ته‌وه‌

6 مانگ و 11 ڕۆژ و 15 کاتژمێر و 27 خوله‌ک له‌مه‌وپێش‌

ئەمریکا بەشێکی ئیخوان موسلیمینی خستە نێو لیستی تیرۆرەوە

دواین بڵاوکراوه‌کان

شەڕ دەستپێدەکاتەوە بەڵام لە بەرژەوەندی ئێراندا نابێت

ئاهورا هەورامی

دەسەڵاتی دیکتاتۆریی یان دوو ڕوویی سیاسیی

ئاهورا هەورامی

دەسەڵات لە بەرچاو گەلەکەی خۆیدا دوژمنایەتی ڕۆژئاوا دەکات، لەگەڵ ئەوەشدا نەوەکانیان دەنێرێتە ئەوێ بۆ ئەوەی داهاتووی خۆیان بنیات بنێن.

ئاهورا هەورامی

دەستگیرکردنێکی دراماتیک لە لۆس ئەنجلۆس

ئاهورا هەورامی

مارشی فەرمیی نیشتمانی- بزووتنەوەی ئایندەی کوردستان

ماڵپه‌ڕی کورد پرێس ، میدیایەکی سەربەخۆیە لەڕێگەیەوە زانیارییەکان و پەیامەکان دەگەیەنێت بەخوێنەر. مالپه‌ڕی نه‌ته‌وه‌ی کورد سه‌ر به هیچ لایه‌نێکی سیاسی نییه. به‌لا‌ڵام وتاری لایه‌نه‌ سیاسیه‌کان بڵاو ده‌کاته‌وه‌، به هیچ شێوه‌یه‌ک به‌رپرسیار نییه له ناوه‌رۆکی که‌سایه‌تی و لایه‌نه‌کان.

ماڵپه‌ڕی کورد پرێس له‌لایه‌ فاروق قادرزاده به‌ڕێوه‌ ده‌چێت و به‌رده‌م بۆ چاککردنی ماڵپه‌ڕه‌که‌ کار ده‌که‌ین و بۆ خوێنه‌رانمان.

ماڵپه‌ڕه‌ی کورد پرێس بۆ لایه‌نێکی تایبه‌ت و بزووتنه‌وه‌یه‌کی تایبه‌تی به‌کار ناهێنین، به‌ڵکوو بۆ خزمه‌ت به‌رژوه‌ندی گشتی و به‌رژه‌وه‌ندی نه‌ته‌وه‌یی به‌کار دێنین.

به‌خێرهاتن بۆ ماڵپه‌ڕیکورد پرێس
ماڵپه‌ڕی کورد پرێس له ئێستادا به ته‌نها به زمانی کوردی و به زاراوه‌ی سۆرانی کار ده‌کات، به‌لام له داهاتوویه‌کی نێزیکدا به زمانی ئینگلیزی بڵاوکردنه‌وه‌مان ده‌بێ!